ત્રણ ગઝલો ~ ભાવેશ ભટ્ટ

૧. પાયમાલી હવે રાજપાટની 

દરકાર જો તમે ન કરી સળવળાટની

નક્કી છે પાયમાલી હવે રાજપાટની

નાખી દીધું કબાટ મેં આખ્ખું તળાવમાં

ફેંકી પ્રથમ તો એમણે ચાવી કબાટની

પાણી બધાંનાં પીધાં નથીનો મલાલ શું !

જોઈ તો લીધી છે ને તરસ ઘાટઘાટની

સચ્ચાઈ જાનલેવા નીકળવાની કોઈ તો

ના કર ઉલટતપાસ બધા થનગનાટની

સંપૂર્ણ અંગ સાફ તો તારું ય ક્યાં મળે !

સમજાય તો સમજજે સમસ્યા વિરાટની

જુસ્સો રહ્યોસહ્યો ય પછી આળસી જતો

આવે છે સુસ્ત એટલી, પળ ઉશ્કેરાટની

મોજાં,ખલાસી,નાવની નોખી છે બોલીઓ

૨.  સૌ મુસાફર છે 

મળું ઉમંગથી એવા કે જાણે અવસર છે