કરું બંધ આંખો (ગઝલ) ~ નિનાદ અધ્યારુ (ઓડિયો સાથે)
કરું બંધ આંખો અને તાર લાગે,
મને મારા ખુદનો બહિષ્કાર લાગે !
કદી આર લાગે, કદી પાર લાગે,
કદી છેક આઘો તડીપાર લાગે.
નિરાકારમાં પણ તું આકાર લાગે,
તું આકારમાં પણ નિરાકાર લાગે !
તને મેં કદી પણ ન જોયો છતાંયે,
મને કેમ તારો અધિકાર લાગે ?
હું ચિક્કાર થઈનેય ખાલી ને ખાલી,
તું ખાલી ને ખાલીય ચિક્કાર લાગે !
આ બ્રહ્માંડ આખું તે પહેરેલી માળા,
શું અંબાર.. અંબાર.. અંબાર.. લાગે !
‘નિનાદ’ ધૂળ ખાતી આ મારી હયાતી,
એ અડકે મને તો કંઇ સંચાર લાગે !
~ નિનાદ અધ્યારુ
સરસ કાવ્ય🙏
આ ગઝલ જીવ અને શિવની અલગતા વચ્ચે અદભૂચ રીતે સંલગ્નતા નો સેતુ સર્જે છે! આફરીન!
કરું બંધ આંખો (ગઝલ) ~ નિનાદ અધ્યારુ ના સ્વરમા માણી આનંદ
ૐ નમઃ શિવાય
Really nicely written and recorded
ઓમ નમ શિવાય
સરસ પઠન