શ્વાસની કરતાલ ~ કવિ: જયંત ડાંગોદરા “સંગીત” ~ સ્વરાંકન-ગાન: જ્હોની શાહ
સ્વરાંકન-ગાન: જ્હોની શાહ
(ગઝલ)
શ્વાસની કરતાલ રાખી એકલા નાચી જુઓ,
જાત સામે જાત મૂકી જાત આરાધી જુઓ.
કાંઇપણ ઊગે નહીં જેના થકી ક્યારેય તે,
એક પળ જોગી સમી બસ એક પળ વાવી જુઓ.
હું જવાબો દઇશ નહિ મારા થિરકવાને વિશે,
આ સતત નાચી રહેલા આભને પામી જુઓ.
આંસુઓ બહુ બહુ તો ઇચ્છાને ટકાવી રાખશે,
આંસુને બદલે હવે લોહીને અજમાવી જુઓ.
કાંઈ બીજું કામ નહિ આવે કદી ‘સંગીતજી’,
મૌન મારું વાંચવા મારી ગઝલ વાંચી જુઓ.
~ જયંત ડાંગોદરા “સંગીત”
ખુબજ સુંદર કવિ શ્રી જયંત ડાંગોદરા
ખુબ સુંદર ભાવ મા એક એક રચના
આપે સજાવી છે
ધન્યવાદ
કે બી
ખૂબ સરસ કમ્પોઝીશન…..
વાહ.. સરસ ગઝલ..સરસ પ્રસ્તુતિ.. બન્નેને અભિનંદન.. સુકામનાઓ..💐💐
કોલેજ કાળથી આરંભાયેલી આપશ્રી ની કાવ્ય યાત્રાનો હું સાક્ષી રહ્યો છું આ કવિ-યાત્રા સ્વરાંકન સુધી પહોંચી, ખુબ જ સુંદર સ્વરમાં શબ્દો ની ગહેરાઇ માણી…. ખૂબ રાજીપો થયો
ભાઈશ્રી જયંત ખૂબ ખૂબ અભિનંદન હજુ આગળ વધતા જ રહો તેવી શુભેચ્છાઓ 💐🌹💐
Very good
khub khub dhanyavad jhoni shah n hitenbhai
કવિ: જયંત ડાંગોદરા “સંગીત”ની સુંદર ગઝલનુ : જ્હોની શાહ દ્વારા સરસ ગાન
khub khub dhanyavad …jhoni shah n hitenbhai
Exilant
મન ને મોભે એવું સંગીત લાવ્યા છે
હદયને સ્પર્શે એવું સ્મિત લાવ્યા છો.