અકળ છે (ગઝલ) ~ વિનોદ માણેક ‘ચાતક’
બધાંથી જ એ તત્વ કેવું અકળ છે
ન જળને ખબર કેટલું દૂર તળ છે
સમય ક્ષર-અક્ષરથી ભલેને રહે પર
કદી શૂન્યને ભેદતી ગૂઢ પળ છે
મળી જો શકે, મેળવી લ્યો તમે એ
અમારા નગરમાં અજબ એક ફળ છે
કદી ચેતનાની મળે એક ક્ષણ જો
રહસ્યો બધાં ખોલતી એ જ કળ છે
સદા મતિ અને ગતિ વહાવે સખા તું
જીવનના સમંદર મહીં તો વમળ છે
~ વિનોદ માણેક ‘ચાતક’ (અંજાર)
વાહ વાહ કવિશ્રી …કદી ચેતના ની..?.એ જ આખી ગઝલ નો સાર છે…ચાતક તમારી તરસ કદી ન બુજાય અને આમજ નવી નવી રચનાઓ નો આસ્વાદ આપતા રહો
લાજવાબ ગઝલ ને ભાવસભર ખુબજ પ્રભાવી પ્રસ્તુતિ
આભાર Sir ji.. આપ જેવા સંગીતજ્ઞ કહે ેજ એવોર્ડ
અરે.. વાહ.. બહુ જ સરસ…
વિનોદ માણેક ‘ચાતક’ની અકળ છે ગઝલનુ કવિના અવાજમાં સ રસ પઠન
ધન્યવાદ
Thank you
Thank you.