Audio Song #9 ~ ગીત: આવશે જરૂર કોઈ બળતે બપોર ~ કવયિત્રી: નંદિતા ઠાકોર ~ સ્વરકાર: અસીમ મહેતા ~ સ્વર: દર્શના શુક્લ

મ્યુઝિક આલબમઃ
વાત તારી ને મારી છે
Audio Song # 9

YouTube Link:

Apple Music Link:
https://apple.co/3dmMdmq

Spotify Link:
https://spoti.fi/3SLeXpc

Lyrics:
આવશે જરૂર કોઈ બળતે બપોર
એથી આંગણે મેં રોપ્યો ગુલમ્હોર

શેરીમાં પાંદડાંઓ ખખડે તો અણધાર્યો
અવસર માનીને હું દોડું
ખોબો ભરીને પછી ઉંબરિયે વેરું આ
કેસરિયું વ્હાલ થોડું થોડું
વેળાને આંગળીને વેઢે પરોવી
રહું ગણતી હું આઠે પહોર

સપનાંઓ ધોધમાર વરસે વરસે ને કાંઇ
ભીંજાતા જાય ચૌદ લોક
તોરણની જેમ ઝૂલે નજરો આ બારણે
કે પગરવ થઇ ડોકાશે કોક
હૈયામાં ઉછરતી રાખી છે એવી
મેં ભીની કંઈ ઝંખનાની કોર

~ કવયિત્રી: નંદિતા ઠાકોર
~ સ્વર-સંગીત સંકલનઃ: અસીમ મહેતા
~ સ્વર: દર્શના શુક્લ
~ સંગીત નિયોજનઃ આલાપ દેસાઈ
~ નિર્માણ-પ્રસ્તુતિ:
આપણું આંગણું બ્લોગ
~ બ્લોગ સંપર્ક: +91 88500 74946

(‘વાત તારી ને મારી છે’ મ્યુઝિક આલબમમાંથી છેલ્લી પ્રસ્તુતિ-૯)
નોંધ: દર અઠવાડિયે સોમવારે ઓડિયો આલબમમાંથી એક નવું સ્વરાંકન બ્લોગમાં મુકાય છે. આ પોસ્ટ સાથે સુગમ સંગીતના કુલ ૯ ગીત-ગઝલની પ્રસ્તુતિ અહીં સંપન્ન થઈ છે.)