ગઝલ ત્રિવેણી ~ અનિલ ચાવડા

૧. કેવો જીવાયો શ્વાસ

એક દી સાહેબ ખુદ ઑફિસમાં બોલાવશે,

ને પછી તારી કને તારાં કરમ જોખાવશે.

મોક્ષ માટે જે લખાવી છે તેં મોંઘા ભાવની,

ધર્મગુરુની ભલામણ ચીઠ્ઠીઓ સળગાવશે.

એક સૂકા વૃક્ષને પણ જળ કદી પાયું હશે,

એની પણ ખાતાવહીમાં નોંધ એ ટપકાવશે.

આંખ તારી ભીંજવીને ચેક કરશે એ પ્રથમ,

તે છતાં જો નીકળે નહિ મેલ તો ધોકાવશે.

એક ક્ષણ સુધ્ધાં ગણતરી બ્હાર જઈ શકશે નહીં,

ક્યાં, કયો, કેવો જિવાયો શ્વાસ એ બતલાવશે.

         

૨.  ભીંજાઈએ નહીં.

ના ગાઈએ કશું ય કે રંગાઈએ નહીં;