પળ છું નાજુક (ગઝલ) ~ મહેશ દાવડકર ~ સંગીત: હરીશ ઉમરાવ – પ્રેમ સાગર ઉમરાવ
સંગીત- હરીશ ઉમરાવ -પ્રેમ સાગર ઉમરાવ
ગઝલ
પળ છું નાજુક ઉઠાવ ધીમેથી,
આંખમાં તું સમાવ ધીમેથી.
એમ તારા વિચારમાં હું છું ,
જેમ વહેતી હો નાવ ધીમેથી.
ખીણ છે ઊંડી મારી ફરતે કૈં,
તું વિચારીને આવ ધીમેથી.
એ ભલે હોય જળ કે હો મૃગજળ,
કોઈ આવે છે નાવ ધીમેથી.
ક્યાંક મારો અભાવ લાગે તો,
આ ગઝલ ગુનગુનાવ ધીમેથી.
~ મહેશ દાવડકર
નાજુક પળને ધીમેથી ઉઠાવતી નમણી ગઝલ અને તેવું જ કોમળ સ્વરાંકન અને સંવેદનશીલ અવાજ. બધું જ સુંદર.
પળ છું નાજુક મહેશ દાવડકર ની મજાની ગઝલ) :
હરીશ ઉમરાવ નુ મધુરુ સંગીત